Die Gebetsnuss auf Sranan Tongo (Surinamisch)

Na a Rijksmuseum foe Amsterdam wan soema sori mi wan sanie foe boen owroe teng, wan lontoe palm oedoe boroe. Alla den toe see ben koti finfini so dati alla sorti sanie ben de foe sie, leki fa Masra Jezus ben gebore nanga fa den s'ma pot ing na a kruis. Den toe see disi, ben poti na makandra, so wan fasi, dat a ben kan opo leki wan kassi. A heri oedoe boroe disi ben poti in wan kopro bal en dat ben poti bakka in wan leer bandroe, lek den ben wan taki, tak disi na a heri evangelie in wan pikin notto. A sani disi ben meki tap so wan fasi tak joe kan see dat a meki foe tja koiri. Ma bakka someni jari mi prakseri foe tja a pikin notto disi kon bakka, ma tappoe wan trafassi lek fossi. Now a platta en nottie skrifi nen tapo; wan pisi oedoe of papiera pe den sma kan skrifi san den wanni, wan winsi, wan nen, wan begi. A platta so dati joe kan tjari ing alla see; a pikin, a no hebi. So joe e tjari joe "begi matti" nanga joe. Te joe feni tak joe winsi nanga joe begi de langa nofo, dan joe kan figi ing. Bakka dati joe kan skrifi wan njoen wan.