Die Gebetsnuss auf Drents (niederländischer Dialekt)

In't Rieksmuseum in Amsterdam, trôf ik een man an, die muuk mij andachtig op een veurwarp oet de Middeleeuwen. 't Was 'n palmholten bol. De beide helften waren hiel fien oetsneên, zodat er hiel dudelijk allerhande taferielties te zien waren, zo as de geboorte en kruuseging van de Here Jezus. Dizze helften könden scharnieren as een kastien. Het gehiel zat in een koperen bol, die op zien beurt weer in een leren buultien zat. Het hiele evangelie in een neutedop. Het was dudelijk dat het maakt was um met op reize te nemen. Noa een joar of wat kwam ik er op, um dizze gebedsnoot op een andere wieze weer tot leven te loaten kommen. No is het plat en blank en de gebroeker kan zôlf zien of heur gebedsnood deur een naam, doatum, tiekens en zo wieder in de noot schrieven. De noot köj makkelijk opbargen. Zodoende hej je gebed aaltied bij je. As je gebed verheurd is, of aj mient dat 't er lang genog stoan hef, kriej een stukkien schuurpapier en er is weer stee veur wat nijs.